| 一睇就睇SAW VI
大致上都知今集發生緊咩事ＧＥ
但我好有興趣睇番SAW I II III IV V
好想知道番Ｄ前因後果
哈哈 SAW VI 無我想像中咁得人驚
不過一路睇緊GE時候
就不斷係度諗．．．
究竟人到左生死關頭，
個種求生意志係咪真係咁強咩？
為左自己可以生存，
真係可以唔計較犧牲左Ｄ咩，包括其他人ＧＥ生命？
換個角度咁睇，做人唔為下自己著想，
下下都為人著想先，咁樣又係對自己公平咩？
哈哈 超自私ＧＥ諗法 ＸＤ
有追開頭五集ＧＥ朋友仔，
呢一集就一定要睇喇
因為佢交待左唔少之前幾集發生ＧＥ野 =)
P.S. SAW唔係淨係得血腥架！！ |
| |
| 心跳500天。500 Days of Summer
It is not a love story, but it is a story about love.
究竟愛情係命中註定 (fate)的，
抑或只是單單一個巧合 (coincidence) 呢？
其實呢個世界所謂的巧合，都只是命中註定的。
生活上遇到的事，在街上遇到的人，最後愛上的人，
呢一切一切，都係命運之神係背後巧合地將呢一切串連起黎
但，我地可以因為係命中註定而不去努力爭取嗎？
絕對不是。
命運之神只會把機會巧合地安排係你面前，
故事點樣發展落去，就好視乎你點樣睇呢一個安排喇
命運安排Autumn出現，
如果你還留戀心目中那個不可能的Summer，值得嗎？
所謂的The One，一世人真的只有一個嗎？
The One，其實係會隨時間而變的。
前一刻，Summer仲係你的The One
但呢一刻，你再唔拋開包袱，
Autumn就會有可能由永遠的The One，變成永遠的不可能。
就算是命中註定又如何，
唔好好把握緣份的來臨，
呢一刻相遇只會變成單單普通的巧合，
最後大家只會淪為陌路人。
世事就係咁架喇，
無所謂的理所當然。
expectation 同 reality 往往係相反的。
你真心咁無條件付出，一定會得到相應的回報嗎？
你真心的同時，對方亦都係真心嗎？
真的有所謂可以看穿別人的心嗎？
每一次的失敗，都係一個好好o既學習機會
因失敗而要傷心到叫生叫死？有咁o既必要咩？
當你抽身回頭一睇，其實都不外如是姐
仲會覺得自己當時好傻，執著於一個改變唔到的事實
真係一個傻豬豬黎o既～
同埋過份o既執著，只會錯失身邊更好更慬珍惜你的人
記得係上海臨走個日，同屋主send俾我個個sms
我諗，我依家真正明白你o既意思，終於慬得學識放手
依家先識，都未算太遲o既 =)
與其天長地久，不如曾經擁有
只少唔洗驚會俾人搶走，
最好最甜的回憶，可以永永遠遠留係自己心中 =)
my Summer has gone,
when will my Autumn come? |
| |
| 捐血助人
以為捐血會好痛
點知原來釘耳仲痛
個哥哥真係無厄我呀
真係痛左一下咁大把啦 =)
個哥哥仲話原來有三分二男仔要打止痛針
而有三分二女仔就唔需要打止痛針
估唔到男仔仲怕痛過女仔 有趣呀下
睇住ｄ血慢慢咁離開自己的血管
個種感覺其實很有趣
第一次見到有一包屬於自己ｇｅ血 ＸＤ
好叻咁捐左４５０ｃｃ 哈哈
捐完有一種莫名其妙的開心
但捐完之後覺得好眼訓
同埋好似食多左野咁ｇｅ．．
唔知同少左ｄ血有無關呢？
有無護士姐姐答到我呀？ ＸＤ
|
| |
| 九月一日
身邊的中同大同老友們
要開學的都開始返學了
要返工的都陸續開始展開他們新的一頁
但偏偏我什麼也不是
這一天突然感到份外寂寞
學生證早已過了期
工作證又還未到手
那麼我現在究竟是什麼身份呢？
其實有點討厭每一天醒來
不知道自己要做什麼的感覺
無所事事的 很頹廢呀
還有差不多兩個月的暑假
我還可以怎樣一個人渡過呢？
其實很想做一個旅人 自由自在的
但媽媽一定不會批准的 唯有空想吧
下一個目標會是台灣或者日本吧 |
| |
| 連續賣左四日凝到結冰可樂 哈哈 一日比一日早收工 真開心 估唔到每日都可以賣晒成個汽水機ｄ汽水 都有成一百五十、一百六十支汽水到架 明明要做八個鐘 呢兩日四個鐘已經可以賣晒 真係好鬼死開心 早收工的感覺太爽喇 最有趣係隔離賣梳個姐姐會係我未返工ｇｅ時候 幫我教埋ｄ人點樣飲先會結冰 佢自己都話佢ｓｅｌｌ可樂仲多過佢ｓｅｌｌ佢ｄ梳 ＝〕 仲有呀 始創管理處ｄ哥哥姐姐仲搞笑 得閒無聊行經我前面又會八下我仲剩返幾多汽水 又或者會幫手叫ｄ人買黎試下玩下 成日好似幫我做梅咁 ＸＤ 未試過結冰可樂的朋友仔 不妨用十蚊買支黎玩下呀 真係無諗過賣可樂都會咁有趣 原來對人的工作真係每一日都會有唔同ｇｅ故事發生 都幾值得期待架 ＝〕 |
| |
